ബലി കറുകക്ക് വല്ലാത്ത ഒരു സുഗന്ധം ഉണ്ട് . പക്ഷെ ഒരിക്കല് എന്റെ സുഹൃത്ത് പറഞ്ഞു അതിനു സങ്കടത്തിന്റെ ഗന്ധം ആണ് എന്ന്. ഒരുപാടു സ്നേഹിച്ചിരുന്ന ഒരു മുത്തച്ചനോ , മുത്തശ്ശിയോ ഇല്ലാത്തതു കൊണ്ടാവണം എനിക്ക് അത് തോന്നാതിരുന്നത്. .! ഇന്നും കര്ക്കിടകത്തില് വാവ് ദിവസം തലേന്ന്, ബലി കറുകയും അരിയും പൂവും ചേര്ത്ത് പിതൃക്കളെ ധ്യാനിച്ച് കത്തിച്ചു വെച്ച നിലവിളക്കില് അര്പ്പിക്കവേ , ഞാന് മാത്രം മാറി നില്കും, വ
ീട്ടില് ആരും എന്നെ അതിനു നിര്ബധ്ധിചിടുമില്ല . കരയുന്ന കാക്ക എനിക്ക് മരിച്ചു പോയ എന്റെ മുത്തച്ചനോ മുത്തശ്ശിയോ അല്ല. പകരം ഒരുപാടു സ്നേഹത്തോടെ എന്റെ വീടിലെക് കടന്നു വരുന്ന സുഹൃത്തുക്കളില് ആരുടെയോ വിരുന്നറിയിക്കുന്ന ഒരു ദൂതന് ആണ് . തികഞ്ഞ കള്ള നോട്ടത്തോടെ അടുക്കള മുറ്റത്ത്, അമ്മിയില് തേങ്ങയും , മുളകും ചേര്ത്ത് അരയ്ക്കുന്ന അമ്മയോട് " അവര് വരാറായി , ഇനിയും വൈകാതെ , വിരുന്നോരുക്കൂ .." എന്ന് പറയുന്ന ഒരു ദൂതന് ..
No comments:
Post a Comment