ഭക്ഷണം പലപ്പോഴും ആര്‍ഭാടവും അഹങ്കാരവും ആകാറുണ്ട് അവിടെ കഴിക്കുന്നവന്റെ വയറു മാത്രം നിറയും, ഭക്ഷണം അവിശ്യമാകവേ , നാവും വയറും നിറയും , പക്ഷെ , ഭക്ഷണം മനസ്സും, നാവും, വയറും നിറയ്ക്കുന്നത്, അത് ഒരു അത്യാവശ്യം ആകുമ്പോള്‍ മാത്രം ആണ് .. അത് ഒട്ടും complicated ആക്കാതെ വെള്ളിത്തിരയില്‍ എത്തിക്കാന്‍ കഴിഞ്ഞു എന്നത് തന്നെ ആണ് " ഉസ്താദ് ഹോട്ടല്‍ " എന്നാ ഈ ചെറിയ " വലിയ" ചിത്രത്തെ പ്രേക്ഷകര്‍ക് പ്രിയപെട്ടതു ആ
കി മാറ്റുന്നതും . തിലകനും , ദുല്ക്കറും ചേര്‍ന്നുള്ള ഓരോ സീനും മനോഹരം എന്ന് തന്നെ പറയണം ... " ഞങ്ങള്‍ക്ക് താരങ്ങള്‍ ആകേണ്ട പകരം നല്ല "നടി- നടന്മാര്‍ ആയാല്‍ മതി എന്നാ പുതു തലമുറയുടെ വിളിച്ചു പറയല്‍ തന്നെ ആണ് ദുല്‍ക്കര്‍ എന്നാ താര പുത്രനും ഈ രണ്ടു ( സെക്കന്റ്‌ ഷോ & ഉസ്താദ് ഹോട്ടല്‍ ) ചിത്രങ്ങളിലൂടെ നടത്തുന്നത് എന്നതില്‍ ഒരുപാടു സന്തോഷം തോന്നുന്നു. അഞ്ജലി മേനോന്‍ മഞ്ചാടിക്കുരു പോലെ മനോഹരമായ് ഒരു നന്മയുടെ കഥയാണ് "ഉസ്താദ് ഹോട്ടല്‍" എന്നാ ചിത്രത്തിലൂടെ പറയുന്നത് . ബ്രിഡ്ജ് , ഹാപ്പി ജേര്‍ണി " എന്ന രണ്ടു ചെറു ചിത്രങ്ങളിലൂടെ നമ്മ വിസ്മയിപ്പിച്ച അന്‍വര്‍ , അഞ്ജലി എന്നിവര്‍ വീണ്ടും നമ്മെ ശെരിക്കും അത്ഭുത്പ്പെടുത്തുകയാണ് ഈ ചിത്രത്തിലൂടെ . മനസ്സില്‍ നിറഞ്ഞു നില്‍ക്കുന്ന ഒരുപാട് മുഹൂര്‍ത്തങ്ങള്‍ ഉണ്ട് , അതില്‍ ഏറ്റവും മികച്ചത് ,ദുല്കരിന്റെ ഫൈസല്‍ ഉം , തിലകന്റെ കരീമിക്കയും ചേര്‍ന്നുള്ള ആ ബീച്ച് സീന്‍ തന്നെ . രണ്ടു കഥാപാത്രങ്ങള്‍ തമ്മില്‍ ഉള്ള ബന്ധത്തിന്റെ ആഴത്തെ ഇത്രയും സിമ്പിള്‍ ആയി, ഇതിലും മികച്ച രീതിയില്‍ ചെയ്യാന്‍ കഴിയുമോ എന്ന് തോന്നുന്ന തരത്തില്‍ എത്ര മനോഹരമായിട്ടാണ് , അന്‍വര്‍ ആ സീന്‍ ചിത്രീകരിച്ചിരിക്കുന്നത് ..! ഒരു തൂവല്‍ മഴയില്‍ നനഞ്ഞു തണുത്ത് നില്‍ക്കവേ ഒരു സുലൈമാനി കുടിച്ച സുഖം ..! പിന്നെയും എത്ര എത്ര മികച്ച സീനുകള്‍ , ചത്ത്‌ പോയ പൂച്ച കുട്ടിയെ മറവു ചെയ്യുന്ന പോലും.. , ഓരോ സീനിനും ദുല്‍ക്കര്‍ എന്ന നടന്‍ കൊടുക്കുന്ന എക്സ്പ്രെഷന്‍, തിലകന്‍ എന്ന നടന്റെ ശരീര ഭാഷയും എക്സ്പ്രേഷനസും. നിത്യമേനോന്‍, സിദ്ദിക്ക് , പ്രവീണ എല്ലാവരും നന്നായി ചെയ്തു . സംഗീതം , ക്യാമറ , എല്ലാം എല്ലാം മനോഹരം ഈ സിനിമയിലേക്ക് കാഴ്ചക്കാരെ ക്ഷണിക്കാന്‍ മാമുക്കോയ എന്ന നടന്റെ ശബ്ദം അല്ലാതെ വേറെ ഒരു ശബ്ദം നമുക്ക് ആലോചിക്കാന്‍ കൂടി പറ്റില്ലാത്ത വിധം ആണ് , അദ്ദേഹത്തിന്റെ ശബ്ദത്തിലൂടെ സിനിമ തുടങ്ങി , ആ ശബ്ദത്തിലൂടെ തന്നെ സിനിമയുടെ ക്ലൈമാക്സ്‌ ലേക്ക് എത്തുന്നതു. ഒഴിവാക്കാവുന്ന സീനുകള്‍ ഈ ചിത്രത്തിലും ഉണ്ട് . പക്ഷെ ചിത്രം കണ്ടു കഴിഞ്ഞു ഇറങ്ങിയപ്പോള്‍ ഞാന്‍ എന്റെ സുഹൃത്തിനോട്‌ പറഞ്ഞു , ആ സീനുകള്‍ ഞാന്‍ മറന്നു കളയുന്നു. കാരണം നന്മയുടെ ആഘോഷം ആണ് ഈ ചിത്രം അതിലെ ഈ ചെറിയ തെറ്റുകള്‍ മറന്നു കളയുക തന്നെ വേണം. അത് കൊണ്ട് തന്നെ ആ സീനുകള്‍ ഞാന്‍ ഇവിടെ പറയുന്നില്ല. കഥയും പറയുന്നില്ല.. കാരണം ഇത് കണ്ടു , കരളില്‍ കൊണ്ട് നടക്കേണ്ട ഒരു ചിത്രം ആണ് ..
No comments:
Post a Comment