ആദര്‍ശ് ഏലിയാസിന്റെ ടൈം ലൈന്‍ . =============================മാര്‍ച്ച്‌ മാസത്തിലെ അവസാനത്തെ ഞായറാഴ്ച ഉണര്‍ന്ന ഉടന്‍ ആദര്‍ശ് ഏലിയാസ് എന്ന ഞാന് എന്റെ ഫേസ് ബുക്ക് തുറന്നു ലൈക്ക്കളും കമന്റുകളും, സുഹൃത്തുക്കളുടെ സ്റ്റാറ്റസ് അപ്ടെട്ടെസും നോക്കി. സാധാരണായി ഓര്‍മ തുണ്ടുകള്‍ സ്റ്റാറ്റസ് ആയി ഇടുന്ന എനിക്ക് അന്ന് അപ്ഡേറ്റ് ചെയ്യാന് ഒന്നും ഉണ്ടായിരുന്നില്ല .. അല്ലെങ്കിലും , അച്ഛന്റെയും അമ്മയുടെയും ഏക
മകന് ആയ എനിക്ക് "സഹോദര ദിനത്തില്‍ " എന്ത് ഓര്‍മത്തുണ്ട് ഉണ്ടാകാന്‍ ...
രണ്ടു ഫ്രണ്ട് റിക്വസ്റ്റ് ഉണ്ടായിരുന്നു അത് അക്സെപ്റ്റ് ചെയ്തു .കുറച്ചു സ്ടാടസുകള്ക്ക് കമന്റ് ചെയ്തു ..പെട്ടെന്ന് തന്നെ ലോഗ് ഔട്ട് ചെയ്തു എഴുന്നേറ്റു . ..
അര മണിക്കൂറിനകം പള്ളിയിലേക്കിറങ്ങി..കുര്‍ബ്ബാനകഴിഞ്ഞു വരുമ്പോള്‍ പതിവ് പോലെ പാതി വഴിയില്‍ വെച്ചു ആന്‍ മേരി യുടെ മുന്നില്‍ വണ്ടി നിര്‍ത്തി ..
" ടീ മേരി കുട്ടീ കേറിക്കോ ..നീ നടന്നു വിഷമിക്കണ്ട ..ഇചായനെ ചുറ്റി പിടിച്ചിരുന്നു അങ്ങ് പോകാം ..."
എല്ലാ ഞായറാഴ്ചയും മുടങ്ങാതെ കേള്‍ക്കുന്ന ചോദ്യം ആയതു കൊണ്ട് ചോദ്യം തീരുന്നതിനു മുന്നേ മറുപടി കിട്ടി ...
" നീ പോടാ പട്ടി...."
ഒട്ടും വൈകാതെ, ഒരു തെറ്റ് പോലും വരുത്താതെ , എല്ലാ ആഴ്ചയും പറയുന്ന മറുപടി ....
" നീ ആന്‍ മേരി അല്ലെടീ ...ആണ് മേരിയാ ..അണ്ടി വെച്ച പെണ് ....."
വണ്ടി സ്റ്റാര്ട്ട് ചെയ്തു .. വീടിനു മുന്നിലെ കവലയില് "ലവന്മാര് " കൂടി നില്പ്പുണ്ടായിരുന്നു .. ഈ "ലവന്മാര് " എന്ന് പറയുമ്പോള്‍ ,സ്കൂളില് കൂടെ പഠിച്ച , വീടിന്റെ അടുത്തുള്ള കുറച്ചു പേര് . പത്തു കഴിഞ്ഞു നാട്ടില് ലോട്ട് ലൊടുക്കു പരിപാടിയുമായി കൂടി ഇരിക്കുന്ന "ലവന്മാര് " ഞായറാഴ്ച എവിടെയോകറങ്ങാന്‍ ഉള്ള പരിപാടി ആണ് ..
അവിടെയും രഥം അല്പ നേരം നിര്‍ത്തി ...
" ഡാ ആദര്‍ശേ , നീ വരുന്നോ ..? ചോദ്യം രതീഷിന്റെ വക .അല്ലേലും കൂട്ടത്തില്‍ നല്ലവന്‍ അവനെ ഉള്ളൂ
"എങ്ങോട്ടാ.?."
" ചുമ്മാ ഒരു കറക്കം... പിന്നെ മുല്ല പന്തല് ഷാപ്പില് ഒരു വിസിറ്റ് .."
" ഓ നിങ്ങള് വിട്ടോ ..ഞാനില്ല ..പഠിക്കാനുണ്ട് അളിയാ ..' അപ്പൊ ശരി .." ഞാന് വണ്ടി വീണ്ടും സ്റ്റാര്ട്ട് ചെയ്തു
പിന്നെ, ഇമ്മാതിരി അലംബുകള്‍ക്കൊപ്പം പോകാന്‍ ..അതും ഞാന് ....
നേരെ വീട്ടിലേക്ക്.......വിശന്നിട്ടു വയ്യ
"സണ്ണി വന്നിടുണ്ട് ..നിന്നെ അന്വേഷിച്ചു വന്നതാ ..."
അപ്പത്തിനു മീതെ സ്റ്റൂ ഒഴിച്ച് കൊണ്ട് അമ്മ പറഞ്ഞു ..
"ഓ എന്താ പരിപാടി ?
"എന്തോ ഷോപ്പിംഗ് ആണ് എന്ന് തോന്നുന്നു ...രാവിലെ നിന്നേം കൂടി ഒബ്രോണ്‍ വരെ പോണം ന്നു പറഞ്ഞു വന്നതാ . നിന്റെ മുറിയില്‍ ഉണ്ട് .."
" ഛെ സണ്ണിച്ഛന്‍ എന്തിനാ എന്റെ റൂമില്....? അതും ഞാന് ഇല്ലാത്തപ്പോ ..?
വേഗം എഴുനേറ്റു കൈ കഴുകി.
"അതിനു എന്താടാ നിന്റെചേട്ടന്‍ അല്ലെ ? അവന്‍ നിന്റെ റൂമില് കയറുന്നതിനു എന്താ ..?
"ഓ ഒരു ചേട്ടന്‍ ...."
രാവിലെ തന്നെ ഓരോന്ന് ഇറങ്ങികോളും കുറ്റീം പറിച്ചു ..അച്ഛന്റെ ചേട്ടന്റെ മകന് ആണ് .ചേട്ടന്‍ ആണ് ..സമ്മതിച്ചു .എന്നും പറഞ്ഞു ഞാന് ഇല്ലാത്തപ്പോ എന്റെ റൂമില് കയറുന്നത് മര്യാദയാണോ?
കഷ്ടപ്പെട്ട് വരുത്തിയ ഒരു ചിരിയുമായി മുറിയിലേക്ക് ചെന്നു
"ആ നീ എത്തിയോ ? ഡാ നമ്മുക്ക് ഒന്ന് ഒബ്രോണ്‍ വരെ പോയാലോ ..? ഒരു ചെറിയ ഷോപ്പിംഗ് ..നിന്റെ സെലെക്ഷന്‍ സൂപ്പര്‍ ആണല്ലോ .. നീ കൂടെ വാ ,,"
"അയ്യോ ..അത് നടക്കില്ല അച്ചായാ . ഒരുപാട് പഠിക്കാന്‍ ഉണ്ട് "
" ഡാ നമുക്ക് പെട്ടെന്ന് തിരിച്ചു പോരാം .."
സണ്ണിച്ഛന്‍ വിടുന്ന ലക്ഷണം ഇല്ല
"ഓ ഞാന് ഇല്ലസണ്ണിച്ഛ....ഒരുപാടു പഠിക്കാന്‍ ഉണ്ട് ... എത്ര പേപ്പര്‍ ആണെന്നോ എഴുതി എടുക്കാന്‍ ഉള്ളത് ..സപ്പ്ളി എഴുതി മടുക്കും .."
" അത് പിന്നെ പഠിക്കാന്‍ പോയാ പഠിക്കണം അല്ലാതെ പിന്നെ...." സണ്ണിച്ഛന്‍ പാതിയില്‍ നിര്‍ത്തി മുറിയില്‍ നിന്ന് ഇറങ്ങി...
ഓ പിന്നെ , ഇവന്റെയൊക്കെ പറച്ചില് കേട്ടാല്‍ തോന്നും പഠിച്ചു അങ്ങ് വലിയ പുള്ളി ആയി എന്ന് . ഞാന് വാതില്‍ അടച്ചു. ഫേസ് ബുക്ക് ഓപ്പണ്‍ ചെയ്തു
സഹോദര ദിന സന്ദേശങ്ങളും , ഇമേജ് കളും കൊണ്ട് നിറഞ്ഞ ഒരു ഫേസ് ബുക്ക് ദിനം . എത്ര ആലോചിച്ചിട്ടും നല്ല ഒരു സ്റ്റാറ്റസ് മെസ്സേജ് മനസിലേക്ക് വരുന്നില്ല . ഞാന് മുറിയില്‍ നിന്ന് പുറത്തിറങ്ങി .
" നിനക്ക് അവന്റെ കൂടെ ഒന്ന് ചെല്ലാമായിരുന്നില്ലേ ..?"
ഇതാണ് കുഴപ്പം . അമ്മക്ക് എന്നെ കണ്ടാല്‍ അപ്പൊ തുടങ്ങും . . അങ്ങിനെ പാടില്ലായിരുന്നോ , ഇങ്ങിനെ പാടില്ലയിരുണോ .. നൂറു ചോദ്യങ്ങള് ആണ് അമ്മയ്ക്ക് . അച്ഛന് പിന്നെ എന്നെ കാണുമ്പോഴേ പുച്ഛം ആണ് .സപ്പ്ളി എന്ന ഒരേ ഒരു കാരണം ആണ് ഈ പുച്ച്ചതിനു കാരണം എന്ന് എനിക്ക് അറിയാം .. ഉപദേശം .. ചോദ്യങ്ങള് .. അല്ലെങ്കിലും മക്കളോടുള്ള ഈ സമീപനം തന്നെ മാറേണ്ടത് . ആണ് എന്ത് ചെയ്യണം എന്നും ചെയ്യരുത് എന്നും ഈ പ്രായത്തില് ഇവര് പറഞ്ഞിട് വേണോ മനസ്സിലാക്കാന്‍ .. പരീക്ഷ എഴുതിയാല് കുറച്ചു പേര് തോല്ക്കും , കുറച്ചു പേര് ജയിക്കും . തോല്ക്കുന്നത് അത്ര മോശം ഒന്നും അല്ല എന്ന് ഇവര് എന്നാണാവോ മനസിലാക്കുന്നത് ..ഇത് കൂടാതെ കുറെ ബന്ധുക്കളും ..എന്റമ്മോ ..മടുത്തു .നമ്മുടെ സമൂഹം തന്നെമാറേണ്ടിയിരിക്കുന്നു ... എന്ത് ചെയ്യാം എനിക്ക് ഒറ്റക് അതൊന്നും കഴിയില്ലല്ലോ . ഞാന് വീണ്ടും മുറിയിലേക്ക് കയറി . മനസ്സില്‍ വന്ന സ്റ്റാറ്റസ് മെസ്സേജ് കൊണ്ട് ഫേസ് ബുക്ക് അപ്ഡേറ്റ് ചെയ്തു .
**************************
അച്ഛന് , അമ്മ, സഹോദരങ്ങള് ,ബന്ധുക്കള് , സുഹൃത്തുക്കള് ... അവരുടെ സ്നേഹം , കരുതല് ഒരു മനുഷ്യനെ മനുഷ്യന് ആകുന്നതു ഇതൊക്കെ തന്നെ . എല്ലാ ദിവസവും നമ്മോടു ചേര്ന്ന് നില്ക്കുന്ന അവരെ ഓര്മ്മിക്കാന് ഒരു പ്രത്യേക ദിവസം വേണം എന്ന് എനിക്ക് തോന്നുന്നില്ല . എങ്കിലും അങ്ങിനെ ഒരു ദിവസം ആഘോഷിക്കപെടുമ്പോള് ഞാന് മാത്രം മാറി നില്ക്കുന്നില്ല എല്ലാ സുഹൃത്തുക്കള്കും എന്റെ ബ്രെതെഴ്സ് ഡേ ആശംസകള് "
*****************************
അപ്പോള്‍ താഴെ ഫോണ് റിംഗ് ചെയ്യുന്നത് കേട്ടു .
അല്പം കഴിഞ്ഞതും അമ്മ വിളിച്ചു
"ഡാ ആദര്‍ശേ , ദേ, വല്ല്യമ്മച്ചിക്ക് നിന്നോട് എന്തോ പറയാന്‍ ഉണ്ടെന്നു .."
ഞാന് താഴേക് പോയില്ല ..ഫേസ് ബുക്ക് ടൈം ലൈനില് നിന്ന് കണ്ണെടുക്കാതെ വിളിച്ചു പറഞ്ഞു.
" അമ്മച്ചീ , ഞാന് പഠിക്കുവാ , പിന്നെ വിളിച്ചോളാം എന്ന് പറ .."
അപ്പോഴേക്കും എന്റെ സ്റ്റാറ്റസ് അപ്ഡേറ്റ് നു രണ്ടു ലൈക് കിട്ടി .. ഇനി വരാന്‍ പോകുന്ന ലൈക് കള്ക്കും കമന്റ്കള്ക്കും വേണ്ടി ഞാന് കാത്തിരുന്നു , മുഖപുസ്തകത്തില് നിന്നും മുഖമുയര്ത്താതെ ....
