ഏഴിന്റെ ഗുണന പട്ടിക
കഴിഞ്ഞ ആഴ്ച വീടിലേക്ക് വിളിച്ചപ്പോള് ചേച്ചിക്ക് പറയാന് ഉണ്ടായിരുന്ന പരാതി ആദിയെ കുറിച്ച് ആയിരുന്നു. രണ്ടാം ക്ലാസില് പഠിക്കുന്ന അവന് ക്ലാസ് കഴിഞ്ഞു വന്നാല് പിന്നെ പുറത്തേക് ഒരു ഓട്ടമാണ് ... വീട്ടില് ഇരുന്നു പഠിക്കുന്നില്ല .. ക്ലാസ്സ് ടെസ്റ്റുകളില് പലതിനും ബി പ്ലസ് അല്ലെങ്കില് ബി എന്ന നിലയിലേക് താഴ്ന്ന്നു വരുന്നു ... ഇടക് ഫോണ് വാങ്ങിച്ചു ആദി പറഞ്ഞതും പരാതി ആയിരുന്നു.. അമ്മ അവനെ കളിയ്ക്കാന് വിടുന്നില്ല .. എപ്പോഴും വഴക്ക് പറയുന്നു ... ! ചേച്ചിയോട് മറുപടി പറഞ്ഞില്ല വെറുതെ ചിരിച്ചു .. ഈ ആഴ്ചാവസാനം വീട്ടില് എത്തിയാല് ഉടന് പരിഹാരം ഉണ്ടാക്കാം എന്ന് പറഞ്ഞു ആദിയെ സമാധാനപ്പെടുത്തി .
സത്യത്തില് അവനെ സഹായിക്കാന് പാടില്ലാത്തത് ആണ് .. എല്ലാവരും പറയും ഞാന് ആണ് അവനെ പുന്നാരിച്ചു വഷള് ആകുന്നതു എന്ന് .. അത് കേട്ട് ഞാന് ചിരിക്കും ..
ഒരു ദിവസം അവന് എന്തോ കുരുത്തക്കേട് ഒപ്പിച്ചപ്പോള് വീട്ടില് ആരോ അവനോടു ചോദിച്ചു " നീ എന്താ ആദി ഇങ്ങിനെ ഒക്കെ തുടങ്ങുന്നത് " എന്ന്
മറുപടി പെട്ടെന്ന് ആയിരുന്നു " ഈ മാമന് ആണ് എന്നെ ചുമ്മാ പുന്നാരിച്ചു വഷള് ആകുന്നതു" എന്ന് ..
അപ്പൊ പിന്നെ എങ്ങിനെ ഇവനെ സഹായിക്കും .. ആഴ്ചാവസാനം വീട്ടില് എത്തിയപ്പോള് , ചേച്ചി അവന്റെ ക്ലാസ്സ് ടെസ്റ്റ് പേപ്പര് മാര്ക്ക് ലിസ്റ്റ് എല്ലാം എന്റെ അടുത്ത് കൊണ്ട് വന്നു " നീ പറ , ഇവന് ഇങ്ങിനെ പോയാല് എന്ത് ചെയ്യും .."
എനിക്കും തോന്നി ഇത് ശരിയാവില്ല .. എന്തായാലും വൈകുന്നേരം അവനെ ഇരുത്തി പഠിപ്പിക്കാന് തീരുമാനിച്ചു . തുടക്കത്തിലേ തന്നെ അവന് ഉഴപ്പാന് തുടങ്ങി ..
ക്ഷമ നശിച്ചു എന്ന് തോന്നിയപ്പോള് ഞാന് ഒരു വടിയെടുത്തു ..! തല്ലാന് വടി ഓങ്ങിയ ഞാന് പെട്ടെന്ന് വേണ്ട എന്ന് വെച്ച് ഏഴിന്റെ ഗുണന പട്ടിക മനസ്സില് ചൊല്ലാന് ശ്രമിച്ചു..
ഇല്ല.. എനിക്ക് ഇപ്പോഴും ഏഴിന്റെ ഗുണന പട്ടിക മന: പാഠം അല്ല .
പഠിപ്പിക്കല് വേണ്ട എന്ന് പറഞ്ഞു അവനെ കളിയ്ക്കാന് പറഞ്ഞു വിട്ടു
അവന് പുറത്തേക് ഓടിയപ്പോള് എന്റെ മനസ്സ് ഏരൂര് കെ. എം. യു .പി . സ്കൂള് ലെ മൂന്നാം ക്ലാസ് ഇല് ആയിരുന്നു .. മേരി കുട്ടി ടീച്ചര് കഴിഞ്ഞ രണ്ടു ദിവസം ആയി രണ്ടു മുതല് പത്തു വരെ ഉള്ള ഗുണന പട്ടിക പഠിപ്പിക്കുകയാണ് ..! ഒത്ത ഉയരവും വണ്ണവും ഉള്ള, ഒരിക്കലും ചിരിച്ചു കണ്ടിടില്ലാത്ത , അവരുടെ കയ്യില് അപ്പോഴും തന്റെ കൈ നീളമുള്ള ഒരു ചൂരല് ഉണ്ടായിരുന്നു .. എന്ത് കൊണ്ടോ ഞങ്ങളില് ആര്ക്കും അവരെ ഒരു ടീച്ചര് ആയി അന്ഗീഗരിക്കാന് ആ പ്രായത്തിലും മടി ആയിരുന്നു ..
ഏഴിന്റെ ഗുണന പട്ടിക എല്ലാവരെയും കൊണ്ട് ചൊല്ലിക്കുക ആയിടുന്നു ടീച്ചര്... .
ചൊല്ലാന് പറ്റാത്തവരുടെ പുറത്തും , തോള് ഭാഗത്തും , ടീച്ചറുടെ ചൂരല് ആഞ്ഞു പതിച്ചു .. പലരുടെയും പുറത്തും , തോള് ഭാഗത്തും നീളത്തില് ഉള്ള ചുവന്ന പാടുകള് പിന്നീടു ഇന്റര്വെല് സമയത്ത് ഞങ്ങള് കണ്ടു ..! ടീച്ചര് എത്രയും പെട്ടെന്ന്മ രിച്ചു പോകണേ എന്നായിരുന്നു അന്ന് മുഴുവന് ഞങ്ങളുടെ പ്രാര്ത്ഥന .
മുന്നില് നിന്ന് രണ്ടാം നിരയിലെ ബെഞ്ചില് രണ്ടാമത് ഇരുന്നിരുന്ന എനിക്ക് അന്ന് എന്താണാവോ ഹാര്ട്ട് അറ്റാക്ക് വരാതിരുന്നത് ?
എന്നോട് ആദ്യം ചോദിച്ചത് നാലിന്റെ ഗുണന പട്ടിക .. പെട്ടെന്ന് തന്നെ അത് ചൊല്ലി .. പിന്നെ ഏഴ്..
ഞാന് കരയണോ വേണ്ടയോ എന്ന അവസ്ഥയില് ആയി .. കാരണം തലേ ദിവസം , അച്ഛന് എന്നെ രണ്ടു മുതല് പത്തു വരെ ഉള്ള ഗുണന പട്ടിക പഠിപ്പിച്ചു .. പക്ഷെ ഏഴിന്റെ ഇടക് നിന്ന് പോകുന്നു .. കുഴപ്പമില്ല അത് പിന്നെ പഠിക്കാം എന്ന് അച്ഛന് പറഞ്ഞു ..
അത് ചതിയായി ... വിറച്ചു വിറച്ചു ചൊല്ല് തുടങ്ങി .. ഇടക് നിന്നു .. പിന്നെ മുന്നോട്ടു നീങ്ങിയില്ല .. ഒരെണ്ണം വൃത്തിയായി ചൊല്ലിയത് കൊണ്ട് ആവണം , ടീച്ചര് പുറത്തു തല്ലിയില്ല .. നീട്ടി പിടിച്ച കൈ വെള്ളയില് മൂന്ന് അടി .. പുറത്തേക് ഇറക്കി നിര്ത്തി
" ഈ പിരീഡ് കഴിയുന്നതിനു മുന്പ് കാണാതെ പഠിച്ചു ചൊല്ലണം അല്ലേല് നിനക്ക് കിട്ടും "
ആ ചെറിയ പ്രായത്തില് അത് സഹിക്കാവുന്നതിനു അപ്പുറം ആയിരുന്നു .. വിറച്ചു കൊണ്ട് പഠിച്ചു തുടങ്ങി .. ഒടുവില് എങ്ങിനെയോ മനസില് കുത്തി നിറച്ചു .. അടി പേടിച്ചു പെട്ടെന്ന് തന്നെ മനസ്സില് നിറച്ചത് ടീച്ചറുടെ മുന്നില് ചൊല്ലി തീര്ത്തു ..! ചൊല്ലി തീര്ന്നതും ഞാന് അത് മറന്നു ..
ഇന്നും എനിക്ക് ഏഴിന്റെ ഗുണന പട്ടിക മന: പാഠം അല്ല
ഈ ആഴ്ച വീട്ടില് എത്തിയപോള് ചേച്ചി വളരെ സന്തോഷത്തോടെ ആദിയുടെ ക്ലാസ് ടെസ്റ്റ് മാര്ക്ക് ലിസ്റ്റ് കാണിച്ചു തന്നു ഹിന്ദി ഒഴിച്ച് ഒക്കെത്തിനും എ പ്ലസ് ...
" മാമാ , ഹിന്ദി എനിക്ക് ഒട്ടും അറിയില്ല ..മാമന് അറിയോ..?'
" മാമന് അറിയില്ല എന്താ ആദി ..?"
" അപോ പിന്നെ എന്ത് ചെയ്യും "
" നീ ഒന്നും ചെയ്യണ്ട .. അതൊക്കെ പതുകെ ശരി ആയികൊളും.."
" എന്നാലും .."
അവന് വീണ്ടും സംശയത്തില് ആണ് .. എന്നാലും ഹിന്ദി .. അതാണ് അവന്റെ പ്രശ്നം ..
പക്ഷെ അത് എനിക്കോ വീടുകാര്ക്കോ ഇപോ ഒരു പ്രശ്നം അല്ല .. അതോകെ ശരി ആയികൊളും .. അവന്റെ മനസില് ചൊല്ലാന് പറ്റാത്ത ഒരു ഏഴിന്റെ ഗുണന പട്ടിക ഉണ്ടാകാതിരിക്കാന് വേണ്ടി അതൊന്നും ഞങ്ങള് ഒരു പ്രശ്നം ആകുന്നെ ഇല്ല ....
No comments:
Post a Comment