നാളേക്കായി വിചാരപ്പെടരുത് എന്ന്
വേദപുസ്തകം 
നാളെക്കായി നീ എന്ത് കരുതി എന്ന്
വീടും വീട്ടാരും
നാടും നാട്ടാരും 
നാളുകളായി "നാളെ" കളെ കുറിച്ച് 
കേട്ടു, കേട്ടു കൊണ്ടിരിക്കുന്നു 
നാളെ അത് കേള്‍ക്കുമോ എന്ന് അറിയില്ല ..
വഴിയരികില്‍ നിന്ന് അവളോട്‌ "മന സമ്മതം "ചോദിച്ചു 
"നാളെ പറയാം എന്ന് അവളും പറഞ്ഞു ..

വേദ പുസ്തകം ഞാന്‍ മാറ്റി എഴുതി
"നാളേക്കായി വിചാരപ്പെടാന്‍ വേണ്ടി മാത്രം
നാളുകള്‍ കഴിഞ്ഞില്ല
നാളെയും ആയില്ല
ഞാന്‍ ഇന്നേ മരിച്ചു ..
വേദ പുസ്തകം വീണ്ടും ആരോ തിരുത്തി
നാളെക്കായി വിചാരപ്പെടരുത്
നാളത്തെ ദിവസം തനിക്കായി വിചാരപ്പെടുമല്ലോ .....